All for Joomla All for Webmasters

Për sa e shet shokun tënd?

. Posted in ARTIKUJ.

Pin It

dy shokeNjë herë dëgjova një të moshuar duke treguar një shembull në formë dialogu… 

Tha i pari: -Sa e shite shokun tënd?

Iu përgjigj tjetri: -E shita për 90 gabime.

I pari tha: -Ia paske humbur vlerën. Pra e paske shitur me një çmim shumë të ulët!!


Shumë u mendova në këtë shembull... 

U çudita nga ai shok i cili i fali shokut të tij 89 gabime, e në gabimin e 90 e braktisi atë!

U çudita më shumë nga ky tjetri i cili e fajësoi për shitjen e shokut të tij për 90 gabime… sikur do që t'i thotë se akoma të kishe duruar, sepse 90 gabime nuk janë çmim i përshtatshëm për shokun tuaj, kështu ia ke ulur vlerën atij.

 

Si mendon sa gabime kushton shoku im apo yti?!

Sa kushton nëse është i afërm, apo vëlla, bashkëshort apo bashkëshorte?!

Me sa gabime e shet nënën e babanë ndonjëri prej nesh...?!

Sa?!!

 

Po të mendojmë në gjendjen tonë aktuale dhe kemi sado pak dijeni për gjendjen e njerëzve në shoqëri dhe ndarjet që janë përhapur, do të shikojmë se ndonjëri prej nesh e ka shitur shokun apo vëllanë, ndoshta edhe nënën e babanë për një gabim të vetëm.

Jo një gabim të vetëm, por ka prej atyre që e kanë shitur njëri-tjetrin pa asnjë gabim e pa faj, vetëm se dëgjoi ç'i thotë ndonjë thashethemexhi shpifës.
Nëse do t'i kthenim shitjet tona të mëparshme nga shoqëria apo të afërmit, do të shikonim sesa lirë i kemi shitur ata dhe sa shumë ua kemi humbur vlerat e tyre.


A do ta ngremë cakun e çmimeve të atyre që kemi akoma përreth?!

Vlerën e çdokujt që ke afër kurrë nuk do ta kuptosh, vetëm atëherë kur t'i japësh atij lamtumirën e fundit për në jetën e varrit. Prandaj mos i shit marrëdhëniet e tua me asnjë gabim, sado që të rritet numri i tyre.


Kujto thënien e Allahut:


“...dhe (ata) që e frenojnë mllefin, që u falin (të keqen) njerëzve, e Allahu i do bamirësit” Al Imran, 138.


O Allah, zbuti zemrat tona dhe përmirëso gjendjen tonë! Amin!


Përktheu: F. Gurra

Burimi i Jetës

01.10.2017

Pin It

Të gjitha të drejtat e rezervuara. Burimi Jetes 2007-2019 - Dizajnuar nga: www.burimijetes.com